දරුණු අකුණු සඳහා කාලගුණ උපදේශන නිකුත් කරයි...

කාලගුණ විද්‍යා දෙපාර්තමේන්තුව විසින් පළාත් සහ දිස්ත්‍රික්ක කිහිපයකට ප්‍රබල අකුණු පිළිබඳ ‘ඇම්බර්’ උපදේශනයක් නිකුත් කර ඇත.

බස්නාහිර, මධ්‍යම, සබරගමුව සහ දකුණු පළාත්වලත් මොනරාගල දිස්ත්‍රික්කයේත් ස්ථාන කිහිපයක ප්‍රබල අකුණු සමඟ ගිගුරුම් සහිත වැසි ඇති විය හැක.

ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැකි බව එම උපදේශකවරයා පවසයි.

අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස මහජනතාවගෙන් කාරුණිකව ඉල්ලා සිටිනු ලැබේ.

ගිගුරුම් සහිත වැසි ඇති වන විට කුඹුරු, තේ වතු, විවෘත ජල මූලාශ්‍ර වැනි විවෘත ප්‍රදේශවලට යාමෙන් වළකින ලෙසත්, ගිගුරුම් සහිත වැසි ඇති වන විට වයර් සහිත දුරකථන හා සම්බන්ධිත විදුලි උපකරණ භාවිත කිරීමෙන් වළකින ලෙසත්, බයිසිකල්, ට්‍රැක්ටර්, බෝට්ටු වැනි විවෘත වාහන භාවිත කිරීමෙන් වළකින ලෙසත්, ගස් යටට යාමෙන් වළකින ලෙසත් මහජනතාවගෙන් වැඩිදුරටත් ඉල්ලා සිටී.

හදිසි ආධාර සඳහා ප්‍රාදේශීය ආපදා කළමනාකරණ බලධාරීන් සම්බන්ධ කර ගන්නා ලෙස මහජනතාවගෙන් ඉල්ලා සිටී.