නීතිවිරෝධී මසුන් ඇල්ලීම මැඩපැවැත්වීම සඳහා නාවික හමුදාවේ සහය...
- admin928749
- Jun 18
- 1 min read
ආරක්ෂක අමාත්‍ය අනුර කුමාර දිසානායක මහතාගේ ප්‍රධානත්වයෙන් පාර්ලිමේන්තුවේදී ආරක්ෂක අමාත්‍යාංශ උපදේශක කමිටුව රැස්විය.
ආරක්ෂක නියෝජ්‍ය අමාත්‍ය මේජර් ජෙනරාල් (විශ්‍රාමික) අරුණ ජයසේකර මහතා, ආරක්ෂක අමාත්‍යාංශයේ ලේකම් එයාර් වයිස් මාෂල් සම්පත් තුයියකොන්තා (විශ්‍රාමික) මහතා සහ ත්‍රිවිධ හමුදාපතිවරුන් ඇතුළු ආරක්ෂක අමාත්‍යාංශය නියෝජනය කරන නිලධාරීන් කිහිප දෙනෙකු මෙම රැස්වීමට සහභාගී වූහ.
කමිටු රැස්වීමේදී, නීතිවිරෝධී ධීවර කටයුතු වැළැක්වීම සඳහා ශ්‍රී ලංකා නාවික හමුදාවේ සහාය ලබා ගැනීම සහ උතුරු හා නැගෙනහිර පළාත්වල ඉඩම් නිදහස් කිරීම සම්බන්ධ කරුණු ඇතුළු ආරක්ෂක අමාත්‍යාංශයට අදාළ කරුණු ගණනාවක් පිළිබඳව පාර්ලිමේන්තු මන්ත්‍රීවරුන්ගේ අවධානය යොමු විය.
ඒ අනුව, මතු වූ සාධාරණ ගැටළු නිසි ලෙස සලකා බැලීමෙන් පසු සුදුසු පියවර ගන්නා ලෙස ජනාධිපතිවරයා නිලධාරීන්ට අවශ්‍ය නියෝග නිකුත් කළේය.
පාර්ලිමේන්තු මහලේකම් කුෂානි රෝහණධීර මහත්මිය සහ තවත් නිලධාරීන් කිහිප දෙනෙකු ද උපදේශක කමිටු රැස්වීමට සහභාගී වූහ.
Stay tuned with Aus News Lanka – the leading platform for news for Sri Lankans.
Comments