යාපනය - තමිල්නාඩු අතර ගුවන් සේවය ඇරඹෙයි...

වසර 47කට පසු තමිල්නාඩුවේ තිරුචිරප්පල්ලි සහ ශ්‍රී ලංකාවේ යාපනය අතර සෘජු ගුවන් සේවාවක් අද ආරම්භ විය.

යුද වාතාවරණය හේතුවෙන් යාපනය පලාලි ජාත්‍යන්තර ගුවන් තොටුපළේ ගුවන් සේවා අත්හිටුවා තිබුණත් 2019 වසරේ දී ගුවන් තොටුපළ යළි සිය සේවා ආරම්භ කළා. චෙන්නායි සහ යාපනය අතර මගී ගුවන් ගමන් ආරම්භ වූයේ ගුවන් තොටුපළ නැවත විවෘත කිරීමෙන් පසුවය.

තිරුචිරප්පලි ඇතුළු තමිල්නාඩුවේ අනෙකුත් නගරවල සිට යාපනය දක්වා ගුවන් ගමන් ආරම්භ කිරීමට පියවර ගෙන ඇත. ඒ අනුව තිරුචිරප්පල්ලි සිට යාපනය දක්වා ගුවන් සේවාවක් ආරම්භ කර ඇත.

මෙම ගුවන් යානය තිරුචිරප්පල්ලි සිට පස්වරු 1:25 ට පිටත් වන අතර පස්වරු 2:25 ට යාපනයට පැමිණේ. එසේම යාපනයේ සිට පැමිණෙන ගුවන් යානය පස්වරු 3.05 ට පිටත් වන අතර පස්වරු 4.05 ට තිරුචිරප්පල්ලි වෙත පැමිණේ.

ඉන්ඩිගෝ ගුවන් සමාගම මෙම ගුවන් ගමන් සේවාව ක්‍රියාත්මක කරනු ඇත.

තිරුචිරප්පලි සහ යාපනය අතර ගුවන් ගමන් ගාස්තුව ද නිල වශයෙන් ප්‍රකාශයට පත් කර ඇත. ඒ අනුව. තිරුචිරප්පල්ලි සිට යාපනය දක්වා එක් පැත්තකට ප්‍රවේශ පත්‍රයක් සඳහා ගාස්තුව රුපියල් INR 5,900 සිට INR 6,400 දක්වා පරාසයක පවතී.

අද පළමු ගුවන් යානයෙන් මගීන් 27 දෙනෙකු පස්වරු 2:02 ට පලාලි ගුවන් තොටුපළ වෙත පැමිණි අතර මගීන් 36 දෙනෙකු සමඟ පලාලි සිට ආපසු ගුවන් යානය පස්වරු 3:00 ට පමණ තිරුචිරප්පල්ලි බලා පිටත් විය.

ඉන්දීය නියෝජ්‍ය කොන්සල් ජනරාල් සායි මුරලි මහතා ඇතුළු කණ්ඩායම කේක් කැපීමේ උත්සවයකින් මංගල ගුවන් ගමන සැමරූහ.