විදෙස් ගමන් බලපත්‍රය ගැනීම සඳහා නව මාර්ගගත ක්‍රමයක්.

ආගමන හා විගමන දෙපාර්තමේන්තුව, 2024 නොවැම්බර් 06 වැනිදා සිට ක්‍රියාත්මක වන පරිදි නව මාර්ගගත පාස්පෝට් ලබාගැනීමේ ක්‍රමවේදයක් හඳුන්වා දී ඇත.

අද මාධ්‍ය වෙත අදහස් දක්වමින්, ආගමන හා විගමන අතිරේක පාලක ජනරාල් නිලුෂා බලසූරිය මහත්මිය සඳහන් කළේ, මහජනතාවට තම ජාතික හැඳුනුම්පත් (NIC) භාවිතා කරමින් පාස්පෝට් ලබා ගැනීම සඳහා දිනක් වෙන් කර ගැනීමට හැකිවයාව ඇති බවයි.

මෙම පද්ධතිය ආගමන හා විගමන දෙපාර්තමේන්තුවේ නිල වෙබ් අඩවියේ හඳුන්වා දී ඇති බවත්, පාස්පෝට් ලබා ගැනීම සඳහා කල්තියා දිනයක් වෙන් කර ගන්නා ලෙස ඇය පැවසීය.

තවත් කරුණු සඳහන් කරමින් නිලුෂා බලසූරිය මහත්මිය කියා සිටියේ, දුරස්ථ ප්‍රදේශවලින් පැමිණී දෙපාර්තමේන්තුවට පිටතේ පෝලිමේ රැඳී සිටින පුද්ගලයන් සැලකිල්ලට ගනිමින්, මෙම නව මාර්ගගත පද්ධතිය 2024 දෙසැම්බර් 01 දා සිට ක්‍රියාත්මක කිරීමට තීරණය කර ඇති බවයි.

ඒ, අනුව අනිද්දා (06) දිනයේ සිට දෙසැම්බර් මාසයේ සහ ඊට ඉදිරි මාස සදහා දින වෙන්කර ගැනීමේ හැකියාව පවතින බව වැඩබලන ආගමන විගමන පාලක ජනරාල්වරිය මෙහිදී වැඩිදුරටත් සඳහන් කළාය.