නව තානාපතිවරු තිදෙනෙක් ජනපතිට අක්තපත්‍ර භාර දෙති...
- admin928749
- Mar 25
- 1 min read
ශ්‍රී ලංකාවට පත් වූ විදේශ රාජ්‍ය තාන්ත්‍රිකයින් තිදෙනෙක් කොළඹ ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා වෙත සිය අක්තපත්‍ර භාරදුන්හ.
ඒ අනුව, පලස්තීන රාජ්‍යයේ රජය, ශ්‍රී ලංකා රජයේ එකඟතාවය ඇතිව, කොළඹ කේන්ද්‍ර කර ගනිමින් ශ්‍රී ලංකාවේ පලස්තීන රාජ්‍යයේ ශ්‍රී ලංකාවේ අතිවිශේෂ සහ පූර්ණ බලැති තානාපතිවරයා ලෙස Ihab I.M. Khalil පත් කර ඇත.
ශ්‍රී ලංකා රජයේ එකඟතාව ඇතිව නේපාල රජය විසින් කොළඹ කේන්ද්‍ර කර ගනිමින් ශ්‍රී ලංකාවේ නේපාලයේ අතිවිශේෂ සහ පූර්ණ බලතල සහිත තානාපතිනිය ලෙස පූර්ණ බහදූර් නේපාලි පත් කර ඇත.
තවද, ප්‍රංශ සමූහාණ්ඩුවේ රජය ශ්‍රී ලංකා රජයේ එකඟතාවය ඇතිව කොළඹ පිහිටි ශ්‍රී ලංකාවේ ප්‍රංශ ජනරජයේ අතිවිශේෂ සහ පූර්ණ බලැති තානාපති ලෙස රෙමී ලැම්බට් පත් කර ඇත.
ශ්‍රී ලංකා විදේශ අමාත්‍යාංශයට අනුව, අලුතින් පත් වූ තානාපතිවරු තිදෙනා සිය අක්තපත්‍ර ජනාධිපති අනුර කුමාර දිසානායක මහතා වෙත පිළිගැන්වූහ.
Comments