දෛනික විදේශ ගමන් බලපත්‍ර නිකුත් කිරීම 4,000 දක්වා ඉහළ නැංවීමේ සැලසුමක්...
- admin928749
- Feb 6
- 1 min read
විදේශ ගමන් බලපත්‍ර මුද්‍රණය කඩිනම් කිරීම සහ ප්‍රමාදය අවම කිරීම සඳහා අතිරේක කාර්ය මණ්ඩලයක් යෙදවීමට රජය අනුමැතිය ලබා දී ඇත.
දැනට පවතින විදේශ ගමන් බලපත්‍ර හිඟය විසඳීම සඳහා කැබිනට් මණ්ඩලය විසින් පත් කරන ලද කමිටුවේ නිර්දේශ අනුව මෙම පියවර ගෙන ඇත. ඒ අනුව ආගමන හා විගමන දෙපාර්තමේන්තුවේ විශ්‍රාමික පිරිස් කොන්ත්‍රාත් පදනම මත සේවයට බඳවා ගැනීමේ යෝජනාවකට අමාත්‍ය මණ්ඩල අනුමැතිය හිමි විය.
කැබිනට් ප්‍රකාශක අමාත්‍ය නලින්ද ජයතිස්ස මහතා පැවසුවේ “P” කාණ්ඩයේ චිප් කාවැද්දූ විදේශ ගමන් බලපත්‍ර පොත් පිංච මිලියන 1.1ක් අත්පත් කර ගැනීමේ ප්‍රසම්පාදන ක්‍රියාවලිය ආරම්භ කර ඇති බවයි.
නිකුත් කිරීමේ ප්‍රමාදයන් තුරන් කිරීම සඳහා, දිනකට විදේශ ගමන් බලපත්‍ර 4,000 ක් නිකුත් කරමින් 24/7 ක්‍රියාත්මක කිරීමට විගමන හා ආගමන දෙපාර්තමේන්තුව සැලසුම් කරයි.
ඒ අනුව රාජ්‍ය සේවා කොමිෂන් සභාවේ සහ රාජ්‍ය පරිපාලන අමාත්‍යාංශයේ අනුමැතිය ඇතිව විශ්‍රාමික දෙපාර්තමේන්තු නිලධාරීන් කොන්ත්‍රාත් පදනම මත බඳවාගෙන දැනට සිටින රජයේ නිලධාරීන් යළි අනුයුක්ත කිරීමට මහජන ආරක්‍ෂක හා පාර්ලිමේන්තු කටයුතු අමාත්‍යවරයා කළ යෝජනාවට අනුමැතිය හිමිව තිබේ.
Comments