විද්යුත් ගමන් බලපත්ර සඳහා නව ජෛවමිතික (biometric) දත්ත පද්ධතියක්...
- 1 day ago
- 1 min read
අනාගතයේදී නිකුත් කිරීමට නියමිත විද්යුත් ගමන් බලපත්ර සඳහා ජෛවමිතික දත්ත ඇතුළත් කිරීමේ පද්ධතියක් ක්රියාත්මක කිරීමට අවශ්ය නීතිමය ප්රතිපාදන ඇතුළත් කරමින් නව ආගමන විගමන පනත් කෙටුම්පතක් සඳහා කැබිනට් අනුමැතිය හිමිව තිබේ.
මෙම නව පනත් කෙටුම්පත රජයේ ගැසට් පත්රයේ පළ කිරීමෙන් අනතුරුව අනුමැතිය සඳහා පාර්ලිමේන්තුව වෙත ඉදිරිපත් කිරීමටද කැබිනට් මණ්ඩලය අනුමැතිය ලබා දී ඇත.
මෙම පනත් කෙටුම්පත මඟින් 1948 අංක 20 දරන ආගමන හා විගමන පනත (Immigration and Emigration Act No. 20 of 1948) වෙනුවට නව නීතිමය රාමුවක් හඳුන්වාදීමට අපේක්ෂා කෙරේ.
මේ සඳහා මීට පෙර සකස් කළ පනත් කෙටුම්පතක් පාර්ලිමේන්තුවට ඉදිරිපත් කර තිබුණද, 2024 සැප්තැම්බර් 24 වැනිදා නව වැනි පාර්ලිමේන්තුව විසුරුවා හැරීම හේතුවෙන් එහි ඉදිරි කටයුතු අවසන් කිරීමට නොහැකි වී තිබේ. අනතුරුව එම පනත් කෙටුම්පත සම්බන්ධයෙන් ශ්රේෂ්ඨාධිකරණය විසින්ද අතුරු නියෝගයක් නිකුත් කර තිබුණි.
මෙම තත්ත්වයන් සැලකිල්ලට ගනිමින් 2025 අගෝස්තු 18 වැනිදා පැවති කැබිනට් රැස්වීමේදී නව පනත් කෙටුම්පතක් සකස් කිරීමට අනුමැතිය ලබා දී ඇත.
ඉන් අනතුරුව 2025 දෙසැම්බර් 10 වැනිදා පැවති කැබිනට් රැස්වීමේදී, අනාගතයේදී නිකුත් කිරීමට නියමිත විද්යුත් ගමන් බලපත්ර සඳහා ජෛවමිතික දත්ත ඇතුළත් කිරීමේ පද්ධතිය ක්රියාත්මක කිරීමේ වගකීම දරන රටේ අත්සන් සහතික කිරීමේ අධිකාරිය ලෙස ආගමන හා විගමන විෂය භාර අමාත්යාංශයේ ලේකම්වරයා නම් කිරීමට අවශ්ය ප්රතිපාදන නව පනත් කෙටුම්පතට ඇතුළත් කිරීමට අනුමැතිය ලබා දී තිබේ.
ඒ අනුව, නීති කෙටුම්පත් සම්පාදකවරයා විසින් සකස් කරන ලද ආගමන විගමන පනත් කෙටුම්පත ගැසට් පත්රයේ පළ කිරීමෙන් අනතුරුව අනුමැතිය සඳහා පාර්ලිමේන්තුව වෙත ඉදිරිපත් කිරීමට මහජන ආරක්ෂක සහ පාර්ලිමේන්තු කටයුතු අමාත්යවරයා ඉදිරිපත් කළ යෝජනාවට කැබිනට් මණ්ඩලය අනුමැතිය ලබා දී ඇත.
More updates to come on AusNewsLanka.
Source : Daily Mirror
Comments