විදෙස්ගත ශ්‍රී ලාංකිකයන් සඳහා “LankaKonect” ජංගම යෙදුම අද දියත් කෙරේ...

This is a developing story brought to you by Aus News Lanka, your trusted source for news for Sri Lankans in Australia and beyond.

විදේශගත ශ්‍රී ලාංකිකයන් සඳහා පැමිණිලි සහ ඉල්ලීම් කළමනාකරණය කිරීමේ නව ඩිජිටල් වේදිකාවක් වන “LankaKonect” ජංගම යෙදුම අද (16) දියත් කරන බව විදේශ කටයුතු අමාත්‍යාංශය නිවේදනය කර ඇත.

විදේශ කටයුතු නියෝජ්‍ය අමාත්‍ය අරුණ හේමචන්ද්‍ර මහතා මෙම වැඩසටහන හඳුන්වා දෙමින් සඳහන් කළේ, මෙය වඩාත් ප්‍රවේශ විය හැකි, කඩිනම් ප්‍රතිචාර ලබාදෙන සහ ජනතා හිතකාමී කොන්සියුලර් සේවාවන් ස්ථාපිත කිරීමේ වැදගත් පියවරක් බවයි.

වාර්තා වන අන්දමට, මෙම ජංගම යෙදුම විදේශගත ශ්‍රී ලාංකිකයන් විසින් ඉදිරිපත් කරන පැමිණිලි හා සේවා ඉල්ලීම් කාර්යක්ෂමව කළමනාකරණය කිරීම සඳහා නිර්මාණය කර ඇති අතර, ඒ මඟින් වඩාත් වේගවත් ප්‍රතිචාර ලබාදීම සහ කොන්සියුලර් සේවාවන්හි විනිවිදභාවය ඉහළ නැංවීම අපේක්ෂා කෙරේ.

එමෙන්ම, විදේශගත ශ්‍රී ලාංකික ප්‍රජාව සහ ශ්‍රී ලංකාවේ රාජ්‍ය ආයතන අතර සම්බන්ධතා ශක්තිමත් කරමින්, සේවා සැපයීමේ ක්‍රියාවලිය නවීකරණය කිරීම සඳහාද මෙම LankaKonect යෙදුම උපකාරී වනු ඇතැයි අපේක්ෂා කෙරේ.

Source : Newswire

More updates to come on AusNewsLanka.