ඉන්දීය අගමැති නරේන්ද්‍ර මෝදි ශ්‍රී ලංකා සංචාරය නිමා කරයි...
- admin928749
- Apr 7
- 1 min read
ඉන්දීය අග්‍රාමාත්‍ය නරේන්ද්‍ර මෝදි සිය තෙදින නිල සංචාරය අවසන් කර ශ්‍රී ලංකාවෙන් පිටත්ව ගොස් තිබේ.
ජනාධිපති අනුර කුමාර දිසානායක මහතාගේ ආරාධනයකට අනුව ශ්‍රී ලංකාවට පැමිණි අග්‍රාමාත්‍ය නරේන්ද්‍ර මෝදි මහතා ප්‍රකාශ කළේ තම සංචාරය දෙරට අතර පවතින ගැඹුරු සංස්කෘතික, අධ්‍යාත්මික සහ ශිෂ්ටාචාර සබඳතා යළි තහවුරු කර ඇති බවයි.
"මගේ සංචාරයේදී ලබා දුන් උණුසුම පිළිබඳව දිසානායක ජනාධිපතිතුමාට, ජනතාවට සහ ශ්‍රී ලංකා රජයට බෙහෙවින් කෘතඥ වෙනවා. එය කොළඹ හෝ අනුරාධපුර වේවා, මෙම සංචාරය අපගේ ජාතීන් දෙක අතර ගැඹුරු සංස්කෘතික, අධ්‍යාත්මික සහ ශිෂ්ටාචාරාත්මක බැඳීම් යලි තහවුරු කර ඇත. එය අපගේ ද්විපාර්ශ්වික සබඳතාවලට ශක්තියක් එක් කරනු නිසැක ය.
ඔහුගේ සංචාරය අතරතුර, අගමැති මෝදි මහතාට රාජ්‍ය නායකයින් සඳහා ශ්‍රී ලංකාවේ ඉහළම ගෞරවය වන ශ්‍රී ලංකා මිත්‍ර විභූෂණ සම්මානය පිරිනමන ලදී.
ශ්‍රී ලංකා ජනාධිපති අනුර කුමාර දිසානායක මහතා සමඟ සාම්පූර් සූර්ය බලාගාරය, දඹුල්ලේ උෂ්ණත්වය පාලනය කරන කෘෂිකාර්මික ගබඩාවක් ඇතුළු ඉන්දු-ලංකා ඒකාබද්ධ ව්‍යාපෘති කිහිපයක් ආරම්භ කිරීම සහ ශ්‍රී ලංකාව පුරා ආගමික ආයතන 5,000ක් සඳහා සූර්ය වහල පද්ධති සැපයීම ද ඔහු කැමැත්ත පළ කලේය.
සිය නික්ම යාමට පෙර ඉන්දීය අග්‍රාමාත්‍ය නරේන්ද්‍ර මෝදි අනුරාධපුර ඓතිහාසික ජය ශ්‍රී මහා බෝධීන් වහන්සේ වැඳපුදා ගත්තා.
මාහෝ - අනුරාධපුර දුම්රිය සංඥා පද්ධති සහ නවීකරණය කරන ලද මාහෝ - ඕමන්ත දුම්රිය මාර්ගය ද ඔහු නිල වශයෙන් විවෘත කළේය.
Comments