විදේස්ගත ශ්‍රී ලාංකිකයන්ට ඡන්ද අයිතිය සඳහා නීති සංශෝධනට කැබිනට් අනුමතිය...

This is a developing story brought to you by Aus News Lanka, your trusted source for news for Sri Lankans in Australia and beyond.

විදේශයන්හි පදිංචි ශ්‍රී ලාංකික පුරවැසියන්ගේ ඡන්ද අයිතිය ආරක්ෂා කිරීම සඳහා අවශ්‍ය නීති සංශෝධන පරීක්ෂා කර නව නීති සම්පාදනය කිරීමට අමාත්‍ය මණ්ඩලය අනුමැතිය ලබා දී ඇත.

ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ ආණ්ඩුක්‍රම ව්‍යවස්ථාවේ 3 වන වගන්තියට අනුව, ජනතාව වෙත වෙන් කර ඇති ස්වෛරී අයිතිවාසිකම් මැතිවරණයකදී භාවිතා වේ.

ඡන්දය ප්‍රකාශ කිරීමේ අයිතිය ශ්‍රී ලංකාව තුළ ජීවත් වන පුරවැසියන්ට පමණක් වෙන් කර ඇති අතර මැතිවරණ නීතියට අනුව ඡන්ද හිමි නාමලේඛනයේ ඔවුන්ගේ නම් ලියාපදිංචි කර ඇත.

වත්මන් මැතිවරණ නීතියට අනුව විදේශයන්හි පදිංචි පුරවැසියන් සඳහා ඡන්දය ප්‍රකාශ කිරීම සඳහා කිසිදු ක්‍රමයක් සුරක්ෂිත කිරීමට විධිවිධාන නොමැත හෝ මේ සම්බන්ධයෙන් කිසිදු නීතියක් සකස් කර නොමැත.

කෙසේ වෙතත්, ඉන්දියාව, බංග්ලාදේශය, පිලිපීනය වැනි බොහෝ ආසියානු රටවල් විදේශයන්හි පදිංචි තම පුරවැසියන්ට ඡන්දය ප්‍රකාශ කිරීමට හැකි වන පරිදි නීති සකස් කර ඇති අතර ශ්‍රී ලංකාව සඳහා ද එවැනි නීති සංශෝධනය කිරීම කාලෝචිත අවශ්‍යතාවයක් ලෙස පිළිගෙන ඇත.

ඒ අනුව, විදේශයන්හි පදිංචි පුරවැසියන්ගේ ඡන්ද අයිතිය ආරක්ෂා කිරීම සඳහා නීති සංශෝධනය කිරීමට සහ නව නීති සම්පාදනය කිරීමට අදාළ තොරතුරු අධ්‍යයනය කිරීම සඳහා මැතිවරණ කොමිසම, විදේශ කටයුතු, විදේශ රැකියා සහ සංචාරක අමාත්‍යාංශය, රාජ්‍ය පරිපාලන, පළාත් සභා සහ පළාත් පාලන අමාත්‍යාංශය මෙන්ම අනෙකුත් අමාත්‍යාංශ සහ ආයතනවල නිලධාරීන්ගෙන් සමන්විත කමිටුවක් පත් කිරීම සඳහා රාජ්‍ය පරිපාලන, පළාත් සභා සහ පළාත් පාලන අමාත්‍යවරයා විසින් පියවර ගැනීමට අමාත්‍ය මණ්ඩලය එකඟ විය.

Stay tuned with Aus News Lanka – the leading platform for news for Sri Lankans.